Henry Berty Pangemanan Tutup Usia 70 Tahun, Remboken Kehilangan Sosok Panutan, Selamat Jalan Opa Bos

Dari qt kecil papa Pe panggilan pa qt Bukan dian tapi yangggg and itu smpe skrg...
Dari qt kecil papa so kase blajar brani..
Mulai dari nae gunung..
Pertama kali torang nae gunung soputan..
Rupa Nda mo mampu tp papa ja bilang keso nentau kiapa abis itu jd kuat..
tiap bulan torang slalu
nginap Di pante smpe2 tiga hari..
Cmn bw bras blangan dg rica..
Ikan ja minta pa nelayan or torg ba pancing..
Dewi dg mama pasti somo protes..
Mo nginap di pante Lg.. mama cmn mo bilang beking2 Lalah..
Papa ja bw paksa pa qt di tengah laut..
Se Biar pa qt yg somo tenggelam
Biar so minum aer laut byk papa se Biar
Akhrnya qt jd brani and tau berenang..
Torang slalu Pigi kobong..
Cari buah.. cari kayu..
Biar so lalah Biar so kremos skali
Tp qt bahagia skali..
slalu iko dg papa kmn2..
Nda pnh protes..
papa momasa Di dapur qt le iko…
Klo papa somo bilg mo Pigi pasar
Doooo qt senang skali lgsg iko
Apalg klo torg pigi pasar tomohon
Semangat skali qt..byk binatang2 toh..
Qt somo beli kelinci.. ular..ayam
Smpe prnh papa Ada beli kambing buat mo potong buat acara.. tp Krn qt so Ta syg..
Akhirnya torang piara itu kambing..
Heheh papa slalu ja iko akang qt Biar mo beli binatang apa le.. smpe pnh tengah malam papa pulang bawa monyet kecil..
Dooo senang skali qt..
Brp kali papa sewa truck besar
Biar mahal ja sewa mar Krn papa tau qt suka
Papa ttp sewa buat angkut satu kampung pigi jalan2…
Qt pe bahagia nda dua..
Qt nae Di blkg truck ba diri di dpe muka Kong bataria2..bahagia skali qt dg papa..
qt slalu senang iko dg papa..
Biar mo nae roda sapi qt lebe senang…
Kita iko jo ini pa….
Iyo pa????
Wkt qt SD papa se iko karate
papa bilg Biar nda jd keso..
Mar skrg qt jd keso skali papa nda ada..
Paaaa…
Pa masih inga wkt papa dpa ide beli oto pickup Krn lagi oras lansa, durian. Rambutan
Kong papa bilang torang ba jual jo di tomohon Dgn putar2 remboken..
Qt so ba cewe2 itu pa harusnya qt malo
nae di blkg oto Kong bataria2 lansa..
Mar nentau Kiapa klo dg papa qt jd brani smua jd nda pamalo!
Pas torg ba jual Di pasar remboken ada tu cowo qt suka haga2 pa qt ba jual lansa..
Dorang so ja tatawa akang..
Mar papa ja bilg Kiapa mo malo ba jual..
Mala abis itu te torang keliling remboken smpe tampusu qt dg papa pe anak2 asuh ba jual Di blkg oto bataria2
Pa.. qt slalu ja iko akang papa pe mau pa
Wkt qt lulus SMA qt suka skali jd polwan
So pigi mendaftar tp doi nda cukup hrs sadia 100jt papa bilang papa jual kobong2 jo
Qt nda tega.. abis itu papa bilang Ato ng jd wartawan jo trus tny2 sodara Di jkt uang maso kuliah buat skolah komunikasi journalist nda tll mahal torang pe doi cukup..
Akhirnya qt iko papa pe mau jd wartawan..
Pa..
tiap natal pake oto camat Ato pickup
Pigi di pasar 45 bawa rombongan blanja Baju natal dg petasan..
Torang pe rumah jd tmpa bauni bola
Bauni tinju mmg nda pnh sepi..
Smua mkn Di rmh tidor dirmh
Baru skrg qt ba pikir dulu torang nda byk doi noh tp Kiapa mknn nda pnh abis pa torang kang???
papa chef paling Jago di leleko..
Apalg papa pe cotto dg sate kambing
Sapa yg nda kenal.. mar tenang pa qt so jago le skrg momasa heheh
Qt sayanggg skali pa papa
Biar qt feto2 Krn papa pe
Kapala batu.. susah skali mo brenti rokok dulu..slalu Mkn2 daging semau nya…
tp ini skrg qt nda tau lg bsok2 gmn Klo nda da papa..
Mama kasiang so kesepian pa..
Dewi Dgn anak2
amper satu remboken saki hati
papa pe anak2 angkat byk skali
Sodara2, ponakan2..
Dorang smua ba chat pa qt pa..
Dorang sedih skali..
Kiapa papa se tinggal pa torang
papa Pe ade
Om ferdy.. om lexy..
Tanta vonne di Australia
Kasiang smua kehilangan skali
Smua torang saki hati papa so nda ada
Pa…..

Henry di Mata Mereka

Moses Ruauw: So nentau mo bilang bagemana
Selamat jalan papa om orang tua kami sebagai anak2 leleko yg sudah menjadi PANUTAN/teladan bagi kami semua. Selamat jalan om HANDRI BERTY PANGEMANAN Sampe jumpa di yerusalem baru

Eiin J Mamahit: Turut berdukacita yg sedalam-dalamnya atas meninggalnya torang pe Hukum tua, mantan hukum tua desa Leleko, sekaligus Opa bos buat torang, teman buat semua, yang paling bae,, nda ja pilih" Kasih,, perhatian p samua orang, rasa kepedulian yang besar buat samua orang...
Samua anak Leleko merasa sangat kehilangan. Tapi diatas semuanya itu, Tuhan Yesus amat baik.. Besar kuasaNya..
Tetap tegar untuk torang pe ibu Jein, Dewi Pangemanan dan Dian Pratiwi Pangemanan serta cucu"

Nonna Tumimomor: So terakhir kaaiang pg pante deng om Hanry ,amper samua anak2 sangian da iko selamat jln sosok panutan orang tua ke dua bg anak sangian
Om Hanry pe rumah jadi rumah ke2 buat torang apalagi anak2 sangian jasamu akan selalu di kenang
orang baik pasti akan dapat tempat baik di disisiNya Ta Jein,Dewi Dian......yg kuat neh...
Om Hanry so senang

Priska Sabtoe: Masih Belum Percaya Opa Bos So Nda Ada
Opa Bos Yang Paling Bae Pa qt deng Novel serta Anak - Anak
Lia Beranda Ta Kaluar ini foto
Sebelum Opa Bos dan Ibu Jein Berangkat Amerika
Dpa inga pulang gereja opa bos pangge pasiar pigi pante deng anak2 sangian bersama opa bos pe keluarga
Sosok Orang Tua Yang Luar Biasa Pe Pambaeee Skali pa sapa saja
Kekuatan Dan Penghiburan Akan diberikan buat Ibu Jeane Pangemanan Mawikere Dewi Pangemanan Dian Pratiwi Pangemanan
Selamat Jalan Opa Bos Yang Baik Hati
Om Handry Pangemanan

Sonya Turang:So lewat satu malam...masih malele ini aer mata...blum bisa mo ilang di ingatan om handry p bae p kita...dari masih remaja...sampe p kita p anak2...dari anak pertama sampe anak yg terakhir(4 anak)...om handry pe bae p torang nda bisa terbilang...selamat jalan jo om HANDRY...walau dengan kesedihan tetap torang mo relakan kepergian om Handry ke pangkuan Maha besar Tuhan...yg sabar buat Ibu jein Dewi Pangemanan dan Dian Pratiwi Pangemanan ...torang sangat2 sayang p om Handry...tapi Tuhan lebe sayang p torang p om Handry...

Tuhan yang memberi, Tuhan yang mengambil, terpujilah nama Tuhan.

Selamat jalan Henry Berty Pangemanan ..