Kumpulan Contoh Pidato Tema Maulid Nabi Muhammad SAW dalam Bahasa Daerah

Dina zaman ieu seueur pisan jalmi anu kajerat kana pergaulan bebas, zinah tos ibarat hal nu teu aneh, dianggap biasa dugi kajantenan di mana-mana, mabok, judi, sareng sajabana tos janten hal lumrah.
Jaga pondasi urang supados teu kabawa kusakaba-kaba, komo zaman kiwari mah sagala rupina pikahariwangeun.

Dina momentum Maulid Nabi ieu, hayu urang tiru sareng jantenkeun teladan akhlak mulia Nabi Muhammad Saw teh, urang jagi barudak urang sadayana tina pergaulan bebas, mugia urang dipaparin kasalametan di dunia sareng akherat ku Gusti Allah.

Rupina sakitu anu tiasa didugikeun ku simkuring, hapuntena pami aya cariosan anu matak ngaraheutkeun kana manah, mugia urang sadayana tiasa ngagaduhan akhlak sapertos kanjeng Nabi urang sadayana.
Wassalamu'alaikum warahmatullahi wabarakatuh.

4. Pidato 4

Assalamu’alaikum Wr.Wb
Alhamdulillaahi robbil ‘aalamiin, wabihi nasta’inu ‘alaa umuriddunya waddiin. Wassholatu wassalamu ‘alaa asyrofil mursaliin, wa’alaa aalihi wa sohbihi ajma’iin. Amma ba’du.
Langkung tipayun hayu urang panjatkeun puji sinareng syukur ka gusti Allah nu maha ghafur, anu parantos masihan ka urang sadaya mangrebu-rebu nikmat, mudah-mudahan urang sadaya kalebetkeun golongan hamba-hamba anu bersyukur sanes golongan hamba-hamba anu kufur kana nikmat Allah.Shalawat sinareng salam mugia sapapaosna digoloncorkeun ka nabi urang sadaya nu jadi panuntungan sadaya nabi nyatana Nabi Muhammad SAW, sinareng kulawargana, sohabatna, mudah-mudahan dugi ka urang sadaya salaku umatna.

Para hadirin anu dimulyakeun ku gusti Alloh,

Ngadegna abdi di dieu insyaallah bakal ngadugikeun pidato ngenaan hiji hal anu penting mungguh urang sadaya nyaeta ngenaan “Maulid Nabi Muhammad SAW”.

Dina dinten ayeuna urang sadayana nuju miéling acara Maulid Nabi Muhammad SAW, tegesna urang sadaya nuju miéling dintenan lahirna kanjeng Nabi Muhammad SAW ka alam dunia.

Hadirin Rahimakumullah,

Hakekat perayaan Maulid Nabi téh lain ngan ukur pagelaran acara anu dirangkai mewah tur megah, tapi hakekat tina ayana acara Maulid Nabi pikeun ngaronjatkeun kaimanan urang salaku umat Islam, nambahan élmu pangaweruh jeung ngaronjatkeun kualitas ibadah urang ka gusti Allah SWT.

Hadirin Rahimakumulloh

Nabi Muhammad mangrupikeun teladan pikeun urang sadaya salaku makhluk gusti Allah dina ngajalani kahirupan urang di dunia. Allah SWT parantos ngadauh dina Al-Qur’an Surat Al-Ahzab ayat 21 :

لَقَدْ كَانَ لَكُمْ فِيْ رَسُوْلِ اللّ هِ اُسْوَةٌ حَسَنَةٌ لِّمَنْ كَانَ يَرْجُوا اللّ هَ وَالْيَوْمَ الْا خِرَ وَذَكَرَ اللّ هَ كَثِيْرًا

Hartosna : saéstuna, parantos aya dina diri Rosululloh panutan anu saé pikeun anjeun (nyaéta) pikeun jalma-jalma anu ngarep-ngarep (rahmat) Allah sareng (datangna) Poé kiamat sareng seeur nyebat nami Allah. (Q.S Al Ahzab 21).

Dina ayat eta Allah SW masihan terang kaurang sadaya salaku jalmi anu beriman ka gusti Allah saéstuna Allah tos masihan teladan pikeun urang ngajalani kahirupan di alam dunia ku cara urang kedah tiasa nyonto Rosulullah dina sadaya paripolahna.

Hadirin Rahimakumulloh,

Rupina, sakitu wae anu tiasa ku simkuring didugikeun, mudah-mudahan urang sadaya tiasa janten hamba Allah anu mibanda akhlak sapertos akhlak Rosululloh.
Wassalamu’alaikum Wr.Wb.

5. Pidato 5

Assalaamu’alaikum Wr. Wb.
Alhamdulillahirobbil ‘alamin wabihinasta’inu ‘ala umuu riddunya wadin, wa’ala aalihii washohbihi azma’in. Amma ba’du.
Qoolallohu ta’aala fil qur’aanil kariim.
A’udzubillahi minassyaitoonirrojiim.
Bismillahirrohmaanirrohiim
Laqod kaana lakum fii rosulillahi uswatun hasanah liman kaana yarjulloha walyaumal akhiro wa dzakarolloha katsiroo.
Kaum Muslimiin Rohimakumulloh..

Puji nu jadi pamatri nu ngacik dina ati, puja nu sumarambah dina bayah ieu sadaya kagungan Alloh azzawajalla. Rahmat sinareung salam muga tetep ngocor kajungjungan panutan alam, sosok insan anu pinuh ku suri tauladan buktusna Rasul SAW.

Teu khilap ngahaturkeun sewu nuhun ka pambawa acara anu tos masihan waktos dina ieu acara sareng sim kuring bade ngatengahkeun judul : MAULID NABI MUHAMMAD SAW
Para Hadirin anu ku sim kuring dipihormat

Dina ieu kasempetan hayu urang sami-sami ningkatkeun kualitas iman sareng taqwa ku ngalangkungan ieu acara mepelang maulid Nabi iman taqwa pa mangrupa cara pikeun nimbulkeun rasa mahabbah ka Alloh SWT sarta micinta ka Rosul SAW hal ieu pisan nu janteun dasar kakuatan dina enggoningngambah hirup kahirupan.

Urang tetep kedah nutur kana jalur Rosul, napak kana laratan mantena. Teu cekap hiji muslim laksanakeun hungkul mi eling maulid nabi saupami teu di sarengan ku padamelan anu dicontokeun ku kanjeng Nabi .Alloh SWT ngadawuh
Laqod kaana lakum fii rosulillahi uswatun hasanah liman kaana yarjulloha walyaumal akhiro wa dzakarolloha katsiroo

Ku kituna hayu urang sami-sami dina enggoning urang ngarepkeun karidloan Alloh dan safaat ka Rosululloh ku cara ngalaksanakeun ibadah oge muammalah nu dibarengan ku conto rosul.

Mudah-mudahan urang sadaya kapapaosna aya dina pinutur karahayuan ginanjar ka wilejengna tur kahontal kabagjaan dunia dan akhirat ku cara ngalangkungan ieu maulid Nabi. Kukituna nu tiasa ku simkuring dipihatur hapunteun bilih aya kalepatan tina lisan.

Wabillahi hidayah wattaufiq.
Wassalamu’alaikum warohmatullohi wabarokaatuh.

Diolah dari artikel TribunPontianak.co.id.

Artikel ini telah tayang di TribunStyle.com 

Baca Berita Lainnya di: Google News

Ikuti Saluran WhatsApp Tribun Manado dan Google News Tribun Manado untuk pembaharuan lebih lanjut tentang berita populer lainnya